Nepal Covid-19 Update

22,972 Total Cases
75 Death Cases
16,353 Recovered

Worldwide Covid-19 Update

19,982,110 Total Cases
732,782 Death Cases
12,841,835 Recovered

आवेदनका लागि आह्वान

मानव अधिकार रक्षक तालिम – सुदुरपश्चिम प्रदेश

नेपालमा मानवअधिकारको संरक्षण र प्रवर्द्धनको विषय चुनौतीपूर्ण छ । विशेषतः दलित तथा सिमान्तकृत समुदायको मानवअधिकार उल्लंघनका घटनाहरू दिनहुँ घटिरहेका छन् । नेपालको संविधान तथा कानूनमा मानवअधिकारका सम्बन्धमा यथेष्ट मात्रामा व्यवस्था गरिएका छन् तर कार्यान्यवनको पक्ष फितलो छ । नेपाल पक्ष राष्ट्र भएका मानवअधिकारसँग सम्बन्धित विभिन्न अन्तर्राष्ट्रिय सन्धी–सम्झौता तथा अनुबन्धहरूलाई नेपालले अनुमोदन गर्दै कार्यान्वयन गरिरहेको भए पनि सरकारले मानवअधिकारको पूर्ण प्रत्याभुती गर्न सकिरहेको छैन । समाजमा विद्यमान जातीय विभेद तथा छुवाछूत, लिङ्ग, क्षेत्र र भाषाका आधारमा हुने विभेद र छाउपडी प्रथाजस्ता प्रचलनहरू मानवअधिकारको संरक्षण र प्रवर्द्धनमा बाधक तत्व हुन् । समाजमा प्रचलित सबै प्रकारका विभेद तथा असमानतालाई हटाई मानवअधिकारको सम्मान गर्नु राज्यको प्रमुख दायित्य हो । मानवअधिकारलाई संरक्षण र प्रवर्द्धन गर्ने कार्यमा सरकारलाई सहयोग गर्नु नागरिक समाजको कर्तव्य हो ।

यसै सन्दर्भमा, ‘दलित लगायत सिमान्तकृत समुदायको मानवअधिकारको संरक्षण तथा प्रवर्द्धन’ गर्नका लागि समता फाउण्डेशनले तीन दिने मानव अधिकार रक्षक तालिम सञ्चालन गर्ने भएको छ । तालिममा मानवअधिकारका सम्बन्धमा सैद्धान्तिक तथा व्यावहारिक सिकाइ हुने गरि विषयगत विज्ञहरूले प्रशिक्षण दिनेछन् । तालिममा १८–३० वर्ष सम्मका दलित समुदायका महिला/पुरूषलाई सहभागी गराइनेछ । त्यसैले सो तालिममा सहभागी हुन इच्छुक सुदुरपश्चिम प्रदेशका दलित समुदायका युवाले तल उल्लेखित विवरण भरी चैत्र १८ गतेभित्र आवेदन दिनहुन अनुरोध गरिन्छ । तालिममा सुदुरपश्चिम प्रदेशका सबै जिल्लाबाट एक जना पुरूष र एक जना महिलालाई सहभागी गराइनेछ ।

१. तपाईंको बारेमा छोटकरीमा लेख्नुहोस् ।
२. तपाईं यो तालिममा किन सहभागी हुन चाहनुहुन्छ ?
३. कार्यक्रममा संलग्न भएपछि मानवअधिकारको संरक्षण र प्रवर्द्धन गर्न के सहयोग पुर्‍याउन सक्नुहुन्छ ?
४. मानवअधिकारको क्षेत्रमा कार्य गरेको अनुभव भए उल्लेख गर्नुहोस्
५. कुनै संघ/संस्थासँग आबद्ध भएको भए संस्थाको नाम उल्लेख गर्नुहोस्

निवेदकको स्थायी ठेगानाः
नाम:
लिङ्ग:
पालिकाको नाम:
सम्पर्क नं.
इमेल :

आवेदन पठाउनु पर्ने ठेगानाः info@samatafoundation.org
नोटः आवेदन google form : https://forms.gle/xFk5WVSys3wbHgxj6  मा भर्न सक्नु हुनेछ।